அனைத்து சோசியல் மீடியா இணையத்திலும் உங்கள் பெயர்?!

சோசியல் மீடியா இணையதளங்கள் அதிகரித்து வரும் இன்றைய கால கட்டத்தில், அதற்கான எதிர்ப்புக்களும் நிறைய வந்த வண்ணமுள்ளன. இந்தியாவை பொருத்தவரை சோசியல் மீடியா இணையதளங்கள் உபயோகத்தில், டிவிட்டரும் மற்றும் ஃபேஸ்புக்கிற்க்கும் தான் முதலிடம் மற்றவை எல்லாம் அவரவர் விருப்பத்திற்கேற்றார் போல் பயன்படுத்துவது தான்.
இந்த சோசியல் மீடியா இணையங்களை பயன்படுத்த நாம் நமக்கென ஒரு பயனாளர் கணக்கை தொடங்க வேண்டும். இதில் ஒருவர் பதிவு செய்த பெயரில் மற்றவர்கள் பதிவு செய்ய இயலாது. உதாரணத்திற்க்கு ஒருவர் டிவிட்டரில் “Saran” என்று பதிந்து விட்டால், இன்னொருவரால் இதே பெயர் கொண்டு பதிய இயலாது. இது பொதுவான தகவல் தான்.

இவ்வாறு உங்கள் பெயர் குறிப்பிட்ட சோசியல் மீடியா இணையத்தில் உள்ளதா?, என தெரிந்து கொள்ள  ஒவ்வொரு குறிப்பிட்ட சோசியல் மீடியா இணையத்திலும் நாம் சோதித்து பார்க்க வேண்டும். இதற்க்கு நிறைய நேரம் எடுக்கும். இதற்க்கான தீர்வு தான் இந்த பதிவு.

நூற்றுக்கும் மேற்ப்பட்ட சோசியல் மீடியா இணையதளங்களில் உங்கள் பெயர் கொண்ட பயனாளர் கணக்கு உள்ளதா? என தெரிந்து கொள்ள ஒரு நிமிடம் போதும். ஆம் இதற்காகவே பிரதானமாக உருவாக்கப்பட்டுள்ளது தான் namechk.com. இதில் ஒரு குறிப்பிட்ட பெயரை கொடுத்து தேடினால் போதும் நூற்றுக்கும் மேற்ப்பட்ட சோசியல் மீடியா இணையதளங்களில் தேடி குறிப்பிட்ட பெயர் கொண்ட பயனாளர் கணக்கு உள்ளதா? அல்லது ஏற்கனவே பதிவு செய்யபட்டுவிட்டதா? என தெரிந்துவிடும்.

அனைத்து இணையதளங்களிலும் ஒரே பெயரை தான் நாம் பயனாளர் கணக்காக வைக்கவேண்டும் என்பவர்கள் இந்த இணையத்தை பார்த்து தெரிந்து பிறகு கணக்குக்களை பதிவு செய்து கொள்ளலாம்.
இந்த பதிவு உங்களுக்கு மிகவும் பயனுள்ளதாக இருக்கும் என நம்புகிறேன். உங்கள் கருத்துக்களை comment செய்ய மறவாதீர்கள்.